Өнөөдөр дэлхийн цаг уурын өдөр тохиож байна. 1873
онд анх удаа олон улсын цаг уурын байгуулага нээгджээ. Энэ байгуулага
1950 оны 3 сарын 21-нд нэрээ өөрчилж Дэлхийн цаг уурын байгуулага болж
өргөжсөн байна.
1961 оноос эхлээд 3 сарын 23-нд
Дэлхийн цаг уурын өдөр болгон тэмдэглэх болжээ. Дэлхийн цаг уурын
байгуулага нь бүс нутгийн хооронд цаг агаарын мэдээг солилцох,
геофизикийн шинжлэх ухааны чиглэлээр судалгаа шинжилгээний ажил хийдэг.
Тэнгис далай, агаар мандалын нөхцөл байдлын тухай мэдээлэл авч болох
хамгийн найдвартай эх сурвалж бол Дэлхийн цаг уурын байгуулага болж
чадсан байна. Дэлхийн цаг уурын байгуулагад 188 орон гишүүнээр элссэн
байна. Жил бүр дэлхийн цаг уурын өдрийг тодорхой уриа дэвшүүлэн дэлхий
нийтээрээ тэмдэглэн өнгөрүүлдэг. Энэ өдөр хэвлэл мэдээллийн хэрэгсэлээр
цаг уурын байгуулагын тухай мэдээлэл дамжуулдаг. Ингэснээр цаг уурын
асуудалд дэлхийн олон нийтийн анхаарлыг хандуулахыг зорьдог байна.
Дэлхийн
цаг уурын өдрийг 1950 оноос тэмдэглэж байх санаачлага гаргасныг дэлхийн
олон орон дэмжиж, ирсэн байна. Харин манай улсад цаг уурын тэнхим
байгуулагдсан цагаасаа буюу 1962 оноос эхлэн тэмдэглэж иржээ. Дэлхийн
цаг уурын байгууллагын гишүүн орнуудын дийлэнхи хувь нь энэ өдрийг
үндэснийхээ ус, цаг уурчдын өдөр болгон хуульчилсан байдаг.
Манай
өвөг дээдэс байгаль орчноо ажиглаж, мал аж ахуйтайгаа холбон, амьдрал
ахуйгаа хөгжүүлж ирсэн ард түмэн. Богд хаант Монгол улсын үед ч Их
Хүрээнд цаг уурын ажиглалтыг хийж ирсэн түүх байдаг. Үүнээс эрт үе
Чингис түүний үр хүүхдүүдийн байлдан дагуулалтын үед цэрэг дайндаа
тухайн улс орнуудын цаг агаарын мэдээллийг ч цуглуулж , ашиглаж байсан
гэдэг түүхэн баримт ч бий. Одоо ч гэсэн малчин олонд уламжлагдан
тэнгэрийн хаяа, үүлний байдал, мал сүргийн хэвтэр зэргийг ажиглан цаг
уурын шинж байдлыг мэдэн амьдрал ахуйгаа зохицуулж байна.