Манай сум нь 2015 оны 02 дугаар сарын 03-ны өдөр хүүхдэд ээлтэй " Архигүй орчинд амгалан тайван амьдарцгаая" гурван сарын аянг зарлан хэрэгжүүлж байна. Аяны хүрээнд сумын ИТХ-ын ГХУСАЗСЗ нь сумын бүх иргэдэд  хүрч үйлчлэх зорилго тавин ажиллаж байна. Сум орон нутагт хүүхдэд ээлттэй ая тухтай орчинг бүрдүүлэх, архи согтууруулах ундааны хэрэглээг багасгах, гэмт хэрэг зөрчилгүй гэр бүл, хамт олон, баг байгууллага болох хөдөлгөөн өрнүүлж, тодорхой үр дүнг гаргахын тулд сумын ГХУСАЗСЗ болон төрийн бус байгууллага иргэд, байгууллага хамтран ажиллаж байна. Аян эхлээд хоёр сарын хугацаа болох гэж байна. Энэ хоёр сарын хугацаандолон чиглэлийн ажил зохион байгуулсан, мөн тодорхой үр дүн гарсан нь харагдаж байна. Мөн  архи, согтууруулах ундааны хэрэглээ багассан, худалдан борлуулдаг цэгүүдийн татан авалт буурсан, нийтийг хамарсан ажилд иргэд идэвхитэй оролцдог болсон, баг байгууллагуудын хамтын ажиллагаа сайжирсан зэрэг олон үр дүн гарч байна.

Аяны хүрээнд баг байгууллагуудын дунд туг, дэвтэр аялуулж, аяны үйл ажиллагааг иргэдэд сурталчилж байна. Туг дэвтэр нь нэг байгууллагад 13-14 хоног байрлаад тухайн байгууллага нь аяны хүрээнд зохион байгуулсан ажил, гарсан үр дүн, холбогдох бусад мэдээллийг дэвтэрт тэмдэглэх, хариуцлагатай жижүүр ажиллуулах, олон нийтийг хамарсан хууль сурталчлах арга хэмжээг зохион байгуулж, дараагийн байгууллагад хүндэтгэлтэйгээр гардуулан өгч ажиллаж байна.